Taliki ya 12 Nzeri 2023, muri Hotel Dove habereye umwiherero w aba Mutwarasibo bo mu Karere ka Gasabo icyiciro cyambere warugamije kunoza imikorere n’imikoranire.

Uyu mwiherero warufite insanganyamatsiko igira iti;  ”UMUJYI MU ISIBO‘

Akarere ka Gasabo gafite ba Mutwarasibo 4811 ,  ku kiciro cyambere haguwe 2405.

Ba Mutwarasibo bahawe ibiganiro bikurikira:

1. Ikiganiro ku nshingano za Mutwarasibo mu iterambere n’imibereho myiza y’abaturage cyatanzwe n’Umuyobozi wungirije w’Akarere ka Gasabo.
2. Ikiganiro “Isano iri hagati y’Umujyi n’Imiturire cyatanzwe n’Umuyobozi w’Umujyi wungirije ushinzwe Imiturire n’Ibikorwa Remezo Dr. Merard MPABWANAMAGURU .
3. Imikoranire ya Mutwarasibo n’Inzego z’Imitegekere y’Igihugu yegerejwe Abaturage cyatanzwe n’Umukozi muri Minisiteri y’Ubutegetsi bw’Igihugu.
4.  Uruhare rwa Mutwarasibo mu gukomeza Ubumwe n’Ubudaheranwa bw’abanyarwanda cyatanzwe n’Umuyobozi w’Umujyi wungirije ushinzwe Ubukungu n’Imibereho Myiza y’abaturage Madamu URUJENI Martine.

Uyu mwiherero, kandi witabiriwe  na Minisitiri w’Ubutegetsi bw’Igihugu Bwana MUSABYIMANA Jean Claude yabasabye;

- Gushishikariza abaturage kwitabira gahunda za Leta zirimo Mituweli, #IsukuHose, #tunyweless;..

- Gutanga umusanzu mu guhindura imyumvire y'abaturage cyane cyane abafashwa kugira ngo baharanire kwigira no kumva ko urugendo rwo kwikura mu bukene ari bo rureba;#GiraWigire.

- Gufasha ubuyobozi mu kurandura ibibazo by'ubuzererezi, kubaka mu kajagari n'ibindi bibangamiye umujyi;

- Kubyaza umusaruro amahirwe bafite yo kuba batuye mu mujyi wa urimo isoko rinini ry'ibiribwa bakongera umusaruro w'ubuhinzi n'ubworozi aho bukorwa; Gusigasira indangagaciro y'ubumwe bw'Abanyarwanda kandi aho baketse ko habayeho kuyitatira batanga amakuru;

-  Gusigasira umutekano no gutanga amakuru ku gihe kugira ngo aho batuye harusheho gutekana;

Nyuma y’ibiganiro, abitabiriye umwiherero bagize umwanya wo kungurana ibitekerezo no kubaza ibibazo, aho ibibazo byose byabagijwe byasubujwe ibindi bihabwa umurongo.

Ba mutwarasibo kandi biyemeje gushyira mubikorwa ibyo bigishijwe, kwegera abaturage no kongera imbaraga mu bukangurambaga bwa MITUWELI, gutangira amakuru kugihe nibindi byose bagiriwemo inama.

Uyu mwiherero wari witabiriwe n‘abantu bingeri zose harimo Abadepite mu Nteko Ishinga mategeko,   Komite Nyobozi y’Umujyi  y’Umujyi wa Kigali,  Perezida w’Inama Njyanama, Inzego z’Umutekano.,

Umwiherero ukaba washojwe na Perezida w‘Inama w’Inama Njyanama y’Umujyi Prof. KAYIHURA Didas, washimye cyane ubuyobozi bw’Akarere bwatekereje iki gikorwa cyo guhuza iki cyiciro cy’ubuyobozi,  kandi asaba ko no mu tundi turere byakorwa.