Uyu munsi mu Murenge wa Gatsata bibutse ku nshuro ya 32 Jenoside yakorewe abatutsi mu 1994.

Umuyobozi Nshingwabikorwa w'Akarere ari kumwe n'abadepite mu Nteko ishinga Amategeko  bifatanyije n'abaturage , inshuti , abavandimwe  hamwe n'abaharokokeye  bibuka ababo bazize uko baremwe

Mu ijambo rye Umuyobozi Nshingwabikorwa w'Akarere, yabanje guhumuriza abarokotse Jenoside yakorewe abatutsi abasaba kudaheranwa n'agahinda.

Yavuze ko Kwibuka ari igihango Abanyarwanda twagiranye cyo kuzirikana amateka yo kubakiraho ejo hacu heza, turinda kandi dukumira ibyatubibamo amacakubiri, ivangura iryo ariryo ryose, tunarwanya icyahembera ingengabitekerezo y’urwango ari nayo yatugejeje kuri Jenoside yakorewe abatutsi mu 1994.

Yavuze kandi ko n'ubwo Igihugu cyacu cyaranzwe n'amateka  mabi menshi ariko  hari n’igice cy’amateka tugomba guhora twishimira kandi dushima , tuzirikana kandi ubutwari bw’Ingabo zari iza RPA / FPR Inkotanyi, zari ziyobowe na Nyakubahwa Perezida wa Repubulika Paul KAGAME zahagaritse Jenoside yakorewe Abatutsi zigatabara Abanyarwanda bari mukaga batanze ubuzima bwabo.

Uwatanze ikiganiro Hon. Mugisha Alexis yagarutse ku mataka mabi yaranze y’I Gihugu cyacu ariko no kumeza dukwiye gushima no gushimira Inkotanyi zahagararitse Jenoside yakorewe abatutsi.

Nyuma y’ibiganiro na gahunda zose z’umunsi, abayobozi n’abaturage bagiye ku Rwibutso rwa Jenoside yakorewe abatutsi rwa Gatsata kunamira no gushyira indabo ku mibiri y’abatutsi bashyinguye muri urwo Rwibutso.