Umurenge wa Bumbogo niwo wahize iyindi Mirenge 35 uhembwa Imodoka

Muri gahunda yo gukomeza kurwanya ikwirakwira rya COVID19, , Umujyi wa Kigali kubufatanye na Police y’I gihugu, bateguye amarushanwa yiswe Ubudasa mu ku rwanya COVID-19, amarushanwa yabereye mu Mirenge yose uko ari 35 igize Umujyi wa Kigali.

Ubugenzuzi bwaya marushanwa, bwibandaga kureba uko Imirenge ihanga udushya mu bukangurambaga bwo kwirinda COVID-19 ziyongera ku ngama Minisiteri y’Ubuzima  yashyizeho.

Mura ya marushanwa, hahembwe Umurenge wahize iyindi ni Bumbogo ukaba warahembwe Imodoka ari nacyo gihembo nyamukuru cyaya marushanwa.

Hahembwe kandi n’Imidugudu  Itatu yambere mu buryo mukurikira;

Umudugudu wa mbere wabaye Rugando wo mu Murenge wa Bumbogo, hakurikiraho Umudugdu w’Inyange wo mu Murenge wa Kimironko ukurikirwa na Gasasa wo mu Murenge wa Kimihirura.

Umudugudu wambere wahawe igihembo gifite agaciro ka 2.5M, uwa kabiri wahabwa igihembo gifite agaciro ka 1.5M naho uwa Gatatu uhembwa igifite agaciro ka 1M.

Umuhango wo gutanga ibihembo wayobowe n’Umuyobozi wa Police y’Igihugu wungirije

DIGP NTAMUHORANYI Felix arikumwe n’Umuyobozi w’Umujyi wa Kigali Bwana RUBINGISA Pudence.

 Ibi bikaba byarabaye muri gahunda yo gusoza ukwezi kwahariwe  ibikorwa bya Police.

Uyu munsi hanatashwe inzu Police yubakiye Umubyeyi utishoboye, yubatswe mu Murenge wa Nduba Akagari ka Nshango.

Nanyuma y’amarushanwa,y’ubudasa  ubukangurambaga bwo kurwanya COVID burakomeje