Mu gitondo cya uyu munsi taliki ya 23 Ukwak.ira 2024,   mu Karere ka Gasabo  hateranye inama  y'Ihuriro ry'Ubumwe  n'Ubudaheranwa.

Iri huriro rihuza abayobozi  mu nzego zitandukanye n'abari mu nzego z'imitegekere y'Igihugu  kuva  tariki 19/07/1994. 

Mu  ijambo rye atanga ikaze Umuyobozi Nshingwabikorwa w'Akarere, yavuze ko iyi nama ari ingirakamaro  kuko ihuza ibyiciro binyuranye by'abayobozi  bariho  muri iki gihe n'abahoze aribo bakaba bafite uruhare rukomeye mu  kwimakaza Ndi Umunyarwanda no guhindura  imyumvire n'imyitwarire y'abanyarwanda.

Yavuze kandi ko mu Karere ka Gasabo kimwe n'ahandi mu Gihugu  ibikorwa byahariwe ukwezi k'Ubumwe n'Ubudaheranwa   byatangijwe kandi bikomeje.

Umuyobozi kandi yanagaragarije abitabiriye Ihuriro imbogamizi zikigaragara  mu kwimakaza Ndi  Umunyarwanda.

Umunyamabanga wa Leta muri Minisiteri y'Ibikorwa Remezo    akaba n'Imboni y'Akarere ka Gasabo Bwana KABERA Olivier  yashimye  gahunda y'Ihuriro  ry'Ubumwe n'Ubudaheranwa asaba buri wese gutanga igitekerezo cye kandi kigamije kubaka  Ubumwe n'Ubudaheranwa by'abanyarwanda.

Yasabye kandi amadini  amwe na mwe  agifite inyigisho  z'ubuyobe  zidafite icyo zimariye abanyarwanda guhindura  bakamenya inzira ikwiye kandi ifitiye abanyarwanda akamaro.

Abitabiriye inama y’Ihuriro ry’Ubumwe n’Ubudaheranwa basabye ko Ubuyobozi mu Nzego zose bita ku rubyiruko rujya rwitabira Ihuriro ry’Urunana rw’Urungano kugira ngo bifashe mu kubaka no guhindura imyitwarire n’imyumvire y’urundi rubyiruko ariko bifashe no guhindura umuryango muri rusange