Akarere ka Gasabo kubufatnye n’Abafatanyabikorwa bako, bakoze imurikabikorwa ry’abafatanyabikorwa rizwi nka “ JADF OPEN DAY”. Iri murikabikorwa ryamaze iminsi itatu  (three days).

Imurikabikorwa ry’abafatanyabikorwa , ryatangiye ku wa mbere taliki ya 13/06/2022, rifungurwa kumugaragaro n’Umuyobozi Nshingwabikorwa w’Akarere ka Gasabo Madam UMWALI Pauline arikumwe n’Umuyobozi wa JADF muri  Gasabo Bwana MUTSINDASHYAKA Andre.

Muri yi Open Day, abamurikaga babonye umwanya wo kwerekana ibyo bakora na serevisi batanga kubazaga ku bahahira cyangwa no gusura ibikorwa. Bikaba byarafashije bamwe kunguka abakiriya ndetse banagirwa inama uko barushaho kunoza umurimo bakora.

Mu ijambo rye, Umuyobozi w’Akarere ubwo yafunguraga ku mugaragaro Open Day ya JADF, yashimye cyane uruhare rw’abafatanyabikorwa mu Iterambere ry’Akarere n’Imibereho Myiza y’abaturage.

Ku munsi wa Gatatu nibwo Open Day yashojwe  n’Umuyobozi w’Umujyi wa Kigali wungirije ushizwe Imibereho myiza n’Iterambere ry’Ubukungu Madam URUJENI Martine akaba nawe yaragarutse kuruhare rw’abafatanya bikorwa kandi abasaba gukomeza imikoranire myiza ariyo ifasha kugera kuri byinshi mu Iterambere.

Hasaozwa iyi gahunda, abafatanyabikorwa batandukanye baremeye abatishoboye mu buryo butandukanye; AVEGA yatanze 5 Millions naho DirectAid batanga 7.5Millions zokurihira abatishoboye Ubwisungane mu Kwivuza.

Umufatanyabikorwa DirectAid nanone yatanze ibyarahani 35 ku bakobwa bize umwuga wo kudodo bikazabafasha kwiteza imbere.

Naho Strive Foundation Rwanda nawe yatanze 3 Millions azafasha mu kurwanya imirire mibi mu bana.

Abafatanyabikorwa b’Akarere ka Gasabo bafasha muri byishi, bigamije Iterambere ry’Akarere.