Taliki ya 04 Nyakanga  kimwe n'Ahandi hose mu Gihugu no mu Karere ka Gasabo hizihijwe umunsi wo Kwibohora ku nshuro ya 28 kandi mu Mirenge yose igize Akarere.

 Ni Umunsi waranzwe n'ibyishimo muri rusange hishimirwa ibyagezweho muri urwo rugendo rw'urugamba rwo Kwibohora.

Umuyobozi Nshingwabikorwa w'Akarere Madamu UMWALI Pauline, kimwe n'abandi bose bagiye bafata ijambo ndetse n'abatanze ibiganiro bagarutse k'Ubutwari n'ubwitange bwa RPA ingabo za FPR-Inkotanyi zari zirangajwe imbere na HE Paul Kagame Umukuru w'Igihugu Cyacu cy'U Rwanda.

 Abaturage babyitabiranye urugwiro ndetse n'abayobozi batandukanye barimo Intumwa za Rubanda,Abajyanama,Inzego z'Umutekano ndetse n'Umuyobozi wungirije w'Umujyi wa Kigali Bwana Merard MPABWANAMAGURU wari Umushyitsi Mukuru muri iy gahunda yo kwizihiza Kwibohora 28.

Uyu munsi kandi kubufatanye n’abaturage waranzwe no gutaha bimwe mu bikorwa byagenzweho ku bufatanye n’abaturage muri uyu mwaka w’Ingengo y’Imari 2021/2022.

Gahunda yo yogutaha ibikorwa byagenzweho, yabaye mu Mirenge yose ariko ku rwego rw’Akarere hatashye ibikorwa bikurikira:

 Hatashywe Ibyumba by'Amashuli ya GS Kimironko ya I byubatswe ku nkunga ya Nyakubahwa President wa Repubulika. Ishuri rifite ibyuma 18 aho buri cyumba cyajyenewe intebe 23 z’abanyeshyuri, intebe 1 n’imeza bya mwalimu, Ubwiherero 42 na matara y’Umutekano 10.

 Hatashywe Umuhanda Bweramvura- Jabana wa Km 7.8  wubatswe kubufatanye n'Abaturage.

Ibikorwa byombi byatanshwe n’Umuyobozi w’Umujyi wa Kigali wungirije  ushinzwe Imiturire n’Ibikorwa Remezo.

Naho umuyobozi w’Umujyi wa Kigali wungirije ushinzwe Imibereho Myiza n’Iterambere ry’Ubukungu  Madam URUJENI Martine we yifatanije n’abaturage bo mu Murenge wa Kinyinya mu gutaha Inyubaka nshya yuwo Murenge.

Mu ijambo rye Madamu Urujeni, yasabye abayobozi gutanga serivisi nzinza kandi inoze ku mu turage kuko umuturage ariwe bakorera.

Uyu muyobozi kandi yasabye buri wese kugira uruhare mu kurinda ihohoterwa ry’abana no kubarinda kujya mu muhanda ababyeyi bagasubira ku nshingano zabo.

Mu kwizihiza uyu munsi kandi, hahembwe amakipe yatsize ayandi mu marushanwa y’umupira w’amaguru yakozwe muri gahunda yo kwizihiza umunsi wo Kwibohora.

Mu murenge wa Jaban ho, bahembye Imidugudu yahize iyindi mu marushwa y’Imiyoborere Myiza.

Umunsi yarangiye abaturagiye mu Musabane, abaturage bishimira umunsi wo Kwibohora.

Kwibohora28, Isooko yo Kwigira.