Uyu munsi taliki ya 7 Nyakanga 2023, mu Murenge wa Kinyinya, habereye umuhango wo gusoza amarushanwa y’Ubukangurambaga ku Isuka , Umutekano no kurwanya Igwingira ry;abana.

N’Igikorwa  cyateguwe n’Umujyi wa Kigali, Police y’Igihugu  n’Ikigo cy’Igihugu gishinzwe Imikurire y’abana ( NCDA).

Uyu muhango witabiriwe n’abayobozi batandukanye;

Minisitiri w’Ubuzima Hon. NSANZIMANA Sabin wari umushyitsi mukuru muruyu muhango,

Umuyobozi w’Umujyi wa Kigali Bwana RUBINGISA Pudence,

Umujyobozi wa Police y’Igihugu IGP NAMUHORANYE Felix,  Umuyobozi w’Ingabo mu Mujyi wa Kigali no n’Iburasirazuba COL. COOPER MUJUNI, Abayobozi  b’Umujyi wa Kigali bungirije, Abagize urwego Nshingwabikorwa rw’Akarere.

Uyu muhango waranzwe no guhemba Imirenge yitwaye neza muraya marushanwa, aho Umurenge wahizi iyindi mu Murenge 35 igize Umujyi wa Kigali wari Umurenge wa Kinyinya ukaba warahembwe Imidoka  ifite agaciro ka Miliyoni 27 y’amafaranga y’u Rwanda.

Naho Umurenge wa Kabiri n’uwagatatu bahembwe Moto, Akagari ka Agateko niko kahembwe Miliyoni nk’Akagari kitwaye neza.

Umuyobozi w'Umujyi wa Kigali Bwana RUBINGISA Pudence mu ijambo ry'ikaze, yashimiye Imirenge yitwaye neza muri aya marushanwa  agaruka  kuri bimwe byibanzweho muri aya marushanwa;

Gukangurira abaturage kugira Isuku, Kwigisha ababyeyi gutegura indyo yuzuye no

Guteza imbere Imikorere y'ingo mboneza mikuririre

Minisitiri Hon. NSANZIMANA Sabin, nawe yashimiye buri wese wagize uruhare muri aya marushanwa.

Yavuze ko Isuku ikwiye kuba umuco w'Abanyarwanda, ntawe ukwiye kubibutsa kugira Isuku  kuko bifasha gukumira indwara.

Minister   yagarutse ku kibazo cy'abanywa inzoga bakarenza urugero ko babireka byangiza ubuzima.

 Yagiriye inama  ababyeyi banywa inzoga batwite ko bishobora kugira ingaruka ku buzima bw'umwana ndetse n'abandi bavuga ko inzoga zitera amashereka ko ataribyo

Ubu bukangurambaga bwafashije benshi guhindura imyumvire ku bijyane n’umuco w’isuku.