Taliki ya 19 Ukwakira 2021, mu Murenge wa Bumbogo Akarere ka Gasabo, habereye umuhango wo kuremera abatishoboye.  Kubufatanye n’Umufatanyabikorwa DIRECT AID  abaturage 14 bo mu Murenge wa Bumbogo hahawe Inka zizabafasha kwiteza imbere , abandi  40  bo mu Mirenge ya Ndera, Kacyiru, Kinyinya na Gatsata  bahawe imashini zo ku doda zizabafasha gukora umwuga wabo neza.

Aba bafatanya bikorwa kandi banatanze cheque ya  Miliyoni zisaga Eshatu zizafasha abautarage batishoboye kubona umwisungane mu kwivuza.

Umunyamabanga Nshingwabikorwa w’Umurenge wa Bumbogo akaba ari nawe waruhagarariye Umuyobozi bw’Akarerere yashimiye umufatanya bikorwa Direct Aid kunkunga itanze izafasha abo baturage kuva ku ntambwe imwe bajya kuyindi mu buzima bwabo, ndetse ku ruhande rw’ubuyobozi bo kuko inshingano zabo ari ukwita ku muturage rero iyo abayeho neza cyangwa agatera imbere birabashimisha.

Umuyobozi kandi yijeje aba bafatanyabikorwa kuzakurikirana aba baturage kugirango inkunga batewe bazashobore kuyibyaza umusaruro, biteza imbere ndetse n’iiryango yabo.

Uwavuze mwizana ryabafashijwe, yashimye cyane Direct Aid kubufasha yabahaye ariko anashimira Ubuyobozi bw’Akarere ka Gasabo, kuba barabatoranije mubandi bakabageneara inkunga, kandi nabo babizeza kuzayikoresha neza ikabagirira akamaro, kugirango be kuzongera kuba umutwaro ku buyobozi ahubwo nabo bakagira abo bafasha mu buryo bumwe cyangwa ubundi.

Umufatabikorwa Direct Aid, su bwambere ifasha abatishoboye bo mu Karere, Gasabo, buri mwaka baba bafite igikorwa cyo gufasha abatishoboye bakora.

Uwaruhagariye Direct Aid, nawe yashimye ubufatanye buranga impande zombi ,kandi  abizeze ko buzahoraho nabo guteza imbere ikiremwa muntu cyane abaishoboye biri munshingano zabo.