Ku gica munsi cya none, taliki ya 16 Gicurasi 20225, Ubuyobozi bw’Akarere n’Abakozi bose kuva ku rwego rw’Akagari kugera ku Karere bizihije umunsi w’Umurimo ubusanzwe wizihizwa ku itariki 1 Gicurasi.

Insanganyamatsiko: “Ihangwa ry’Umurimo, intego dusangiye"

Hizihizwa uyu munsi, hanahembwe umukozi w’Indashyikirwa watowe n’abakozi bose kuva ku

rwego rw’Akagari.

Mu ijambo rye Umuyobozi Nshingwabikorwa w'Akarere yashimye urimo mwiza abakozi b'Akarere ka Gasabo bakora abasaba kurushaho gukora neza.

Yavuze kandi ko kugira ngo  umukozi yuzuze inshingano ze neza hari ibintu 3 agomba kuzuza:

1. Ubunyangamugayo. Umuntu wese udafite indangagaciro z‘Ubunyangamugayo ntakiza ashobora kugeraho.

2. Ubwitange, yavuze ko kwitanga mukazi kacu kaburi munsi aringombwa cyane kuko akenshi iyo urebye akazi umuntu akora ntiwabona icyo umuhemba ariko kubera ubwitange buturanga niyo mpuamvu usanga habaho no gukora amasaha y’ikirenga ariko tugamije kugora umurimo unoze.

3. Ubunyamwuga. Mukazi dukora dukera gukora kinyamwuga, niyo mpamvu hajyaho amahugurwa , kwiyungura ubumenyi girango umukozi ashobore kugendana n’ibigezweho.

Umukozi w’Indashyikirwa ataorwa ku rwego rw’Akarere no Ku  rw’Umurenge hanyuma abatowe bose bakitoramo umwe bumva koko ariwe ukwiye kuba Indashyikirwa.

Uyu mwaka wa 2024/2025, Umukozi w’Indashyikirwa yabaye Mutagoma Jean Damascene akaba Umunyamabanga Nshingwabikorwa w’Akagari ka Gacuriro mu Murenge wa Kinyinya.